تريكو

كل مايتعلق بالتريكو يعني الاساسيات والحردات وانواع الغرز والتقفيل
والتشطيب وقراءه الباترون المكتوب والمرسوم مع التعرف علي الرموز الاساسيه
مع عرض نماذج لشغل التريكو
في الاول طبعا تعريف بادوات التريكو واللي بتحتاجيه
حاتحتاجي ابر مستقيمه مختلفه الاطوال والاقطار وطبعا كل مقاس للابره حايكون مكتوب عليها وحاتكون مناسبه لنوع مختلف من الخيط
وكمان فيه مفاسات انجليزي ومقاسات امريكي ومقاسات فرنسي
المهم ده شكل الابر








[
وفيه ابر بليسيه


وقيه ابرللشغل الدائري ودي بتعتمد علي طول الخيط البلاستيك اللي بين الابرتين
يعني لو الخيط طويل تنفع للقطع الكبيره ولو الخيط قصير تنفع لعمل الكولات لتقفيل البلوزات ولعمل الطواقي


وقيه مجموعه مكونه من خمس اير مدببه الطرفين


وطبعا فيه ادوات مساعده زي ابر الخياطه بس انا باستعمل ابر تطريز تخينه وعينها واسعه وفيه علامات التريكو وفيه ابر الضفاير


ودي العلامات او شكل منها






نشوف الخيوط
خيوط صوف









وطبعا كل نوع من الخيوط له انواع
ده صوف موهير



وحرير

والقطن




وفيه انواع كتير للقطن
دي نماذح للخيوط والحاجات اللي ممكن تنتجيها بيها

بسم الله الرحمن الرحيم
البدايه هي عقده البدايه زي الكروشيه ودي بتعمليها بانك بتلفي الخيط علي ايدك لتكوين لفه وتحطيها علي الابره وشوفي الرسم المتحرك ده

وتدخليها في الابره وكده كونتي اول غرزه
وشوفي برضه الصور دي حاتوضح اكتر


















بدايه الغرز او casting on وفي الباترونات الانجليزي بيقول لك cast on او (co)وده معناه ابدئي علي عدد من الغرز هو بيكتبه لك
فيه عده طرق للبدايه حاناخد منها 3
الطريقه الاولي البسيطه ودي تنفع مع المبتدءات وهي سهله بس في الشغل بتدي شكل مفكك شويه
بتعملي عقده البدايه

وبعدين بتلفي الخيط علي ايدك لعمل لفه وتدخليها في الابره وتشدي الخيط وهكذا والصور حاتوضح

لطريقه التانيه ودي بتدي بدايه مرتبه

انتي بتسحبي خيط طويل من الشله علي قد عدد الغرز اللي عايزه تعمليها ويفضل
انك تبدئي علي الابرتين جنب بعض وبعد ماتخلصي تسحبي ابره من الابرتين
وتسيبي الغرز علي الابره التانيه وبكده الغرز ماتكونش مشدوده قوي
السؤال ازاي اقدر طول الخيط اللي اسحبه من الشله
الاجابه سهله
بتلفي الخيط علي الابر بعدد الغرز اللي عايزه تعمليها وتسيبي طول كمان
حوالي 10 سم وبعدين تمسكي الخيط عند نهايه ال10 سم وتفكيه من علي الابروده
حايكون طول الخيط اللي حاتسحبيه من الشله
بتعملي عقده البدايه وكده يكون عندك ناحيتين من الخيط الناحيه اللي متصله بالشله والناحيه السايبه اللي قستيها
لفي الخيط المتصل بالشله حول الابهام والاخر حول السبابه
دخلي الابر بين الخيطين اللي علي الابهام واسحبي الخيط الخارجي منهم
وبعدين عدي الخيط اللي في الناحيه الداخليه للسبابه فوق الابرتين وعدي
الخيط اللي سحبتيه الاول من فوقه وشدي الخيطين مع بعض وكده حاتتكون غرزه
ودي صور توضيحيه





















وده فيديو للطريقه دي
http://www.knittinghelp.com/apps/fla...ayer/play/34/1

الطريقه الثالثه اسهل شويه
شوفوا كده
الاول بتعملي عقده البدايه مع ترك طول من الخيط زي الطريقه السابقه



وبعدين بتدخلي الابره اليمني في الغرزه وبتسحبي الخيط عليها مكونه الغرزه الثانيه


بتحطي الغرزه الثانيه علي الابره وكده كونتي غرزتين
وبعدين بتدخلي الابره اليمني بين الغرزتين اللي كونتيهم وتسحبي الخيط علي الابره اليمني وكده كونتي الغرزه الثالثه










والرسم التوضيحى للغرزة هو

طريقة للطريقة الثانية يعني هي نفسها الطريقة الثانية بس بطريقة مختلفة بسيطة وبتنجز وقت كمان
انا صورتها فيديو ودا الرابط

http://www.megaupload.com/?d=YY8JVHD2


وا دا للي ما فتح عندهم



http://www.megaupload.com/?d=YY8JVHD2

أو دا

http://www.megavideo.com/?d=YY8JVHD2

شوفي هاتلاقي مربع فوق وجنبه ارقام او حروف ادخلوهم بالمربع بعدين تحميل
هايطلع صفحة تانية هاتلاقي خانتين واحدة بتعد ثواني استني شويه بعدين دوسي تحميل هاينزل عندك على طول
الرابط الثاني مشاهدة فيديو على طول

شوفوا يابنات انا لقيت شرح اوضح للطريقه الثالثه



2. دخلي الابره اليمني في الغرزه ولفي الخيط عليها
o

اسحبي الخيط بالابره اليمني وطلعيها وعليها الخيط مكونه غرزه
3.

حطي الغرزه اللي عملتيها علي الابره اليسري
4.
دخلي الابره اليمني بين الغرزتين اللي عملتيهم ولفي الخيط عليها

5. ).
6. اسحبي الخيط بالابره اليمني وطلعيها وعليها الخيط مكونه غرزه وحطي الغرزه اللي عملتيها علي الابره اليسري
.

كرري الخطوتين السابقتين لغايه ماتوصلي لعدد الغرز اللي انتي عايزاه

<blockquote>[الدرس الثاني ]
</blockquote>(الغرز الاساسيه في التريكو)
[الغرزه العدل]والغرزه المقلوبه
الغرزتين دول هم اساس التريكو وخدوا بالكوا هم وجهين لعمله واحده
بمعني ان العدل لما تشتغليها بيكون ضهر الغرزه دي شكله غرزه مقلوب والعكس صحيح


خلاص فهمتوا كده
خدوا مثال تاني
لما تشتغلي غرزه عدل اوسطر عدل وتحطيه امام المرايه وبيكون المواجه لكي السطر العدل او الغرزه العدل
لما تبصي في المرايع بتشوفي ضهر السطر او ضهر الغرزه بتلاقيها مقلوب
انا قصدت اني اطول في الشرح ده علشان اهم حاجه وانتي بتشتغلي تريكو انك تعرفي الحقيقه البسيطه دي
علي كده لما نشتغل اي غرز ونيجي نشتغل الضهر حانكون عارفين بالظبط ايه اللي اشتغلناه في السطر السابق وحاتساعدنا في كل الغرز
عايزين دلوقت ناخد الغرزه الاولي
الغرزه العدلThe knit stitch (k)
احنا دلوقت بدانا عدد من الغرز علي الابره
بتخلي الخيط خلف الشغل وتحطي
اوتدخلي الابره اليمني في اول غرزه من السطر من السار لليمين خلال الخيط
الامامي للغرزه اللي علي الابره اليسري كده


الخطوه الثانيه- لفي الخيط علي الابره اليمني كده


الخطوه 3- اسحبي الخيط بالابره اليمني واطلعي بيه



الخطوه 4- اسحبي الابره اليمني بالغرزه واطلعي بيها وكده عملتي اول غرزه عدل



وده فيديو للغرزه العدل
http://www.knittinghelp.com/apps/fla...yer/play/125/1

• بThe purl stitch (p)
  
• الغرزه المقلوب عكس الغرزه العدل زي ماسبق قلنا يعني
  دي ضهر الغرزه العدل ولو عملتي غرزه عدل وقلبتي الشغل للناحيه التانيه
  حاتلاقي شكلها غرزه مقلوب
  
• في الغرزه العدل خلينا الخيط خلف الشغل
  
• في الغرزه المقلوب وعلشان هي العكس للغرزه العدل بنجيب الخيط امام الشغل
  
• بتدخلي الابره اليمني في اول غرزه علي الابره اليسري من اليمين لليسار بالشكل ده
  
• 
  

لفي الخيط حول الابره اليمني



الخطوه3- خدي الخيط وهو ملفوف علي الابره وارجعي بيه للخلف



الخطوه 4- اسلتي الغرزه من علي الابره اليسري للابره اليمني وكده كونتي اول غرزه مقلوب



استمي بتكرار الخطوات لغايه ماتعملي السطر المقلوب
وبرضه لو بصيتي للسطر ده من الخلف حاتلاقي شكل الغرز عدل

دي الغرزه المرنه ودي بتشتغليها عدل علي طول وخدي بالك من ترتيب السطور
ورقم السطر مكتوب عند بدايته والغرزه المرنه اسمها في الباترونThe garter stitch

غرزه الجرسيه واسمها في الباترون Stockinette stitch واختصارها
St st

وده شكلها وشوفي شكل الغرزه اللي بالاحمر علي ضهر الشغل وعلي وجه الشغل
[/URL]

وشوفي الفرق بين الوجه اللي بتشتغليه عدل وده الوجه الامامي للشغل
والوجه اللي بتشتغليه مقلوب وده الوجه الخلفي للشغل



لو في الباترون بيقول Reverse stitchيعني الجرسيه المعكوس او المقلوب
وده بتشتغلي علي وجه الشغل مقلوب وعلي ضهر الشغل عدل

ناخد بعد كده تقفيل التريكو وانا قصدت اننا ناخده دلوقت علشان تقفلوا العينات بتاعتكوا وتحتفظوا بيها
تقفيل التريكو Casting off
في الاول بتشتغلي غرزتين وبعدين تدخلي الابره اليسري في اول غرزه
اشتغلتيها علي الابره اليمني وتعديها من فوق ثاني غرزه علي الابره اليمني
والصور بتبين







كده فضل معاكي علي الابره اليمني غرزه
اشتغلي غرزه جديده من الابره اليسري وانقليها للابره اليمني
وكده حايكون عندك علي الابره اليمني غرزتين
حاتكرري وتعدي الغرزه اللي كانت علي الابره اليمني من فوق الغرزه الجديده
اللي لسه عاملاها وكده يفصل عندك غرزه واحده علي الابره اليمني وكرري
لغايه مايفضل عندك غرزه واحده اسلتيها وعدي الخيط منها واقفلي


1- اشتغلي غرزتين
2- عدي اول غرزه من فوق ثاني غرزه
3- اشتغلي غرزه كمان وعدي الغرزه اللي كانت علي الابره من فوقها

وده فيديو للطريقه دي
http://www.knittinghelp.com/apps/fla...ayer/play/23/1

وده التقفيل في السطر المقلوب وبنفس الطريقه بس بتشتغلي الغرز مقلوب


وده فيديو للتقفيل في السطر المقلوب





http://www.knittinghelp.com/apps/fla...ayer/play/29/1












فيه طريقه تانيه للتقفيل باستخدام ابره الكروشيه
وفيها بتستخدمي ابره الكروشيه زي ماتكون الابره اليمني وتشتغلي عليها
الغرزتين الاولي والثانيه وبعدين تعدي الغرزه الثانيه خلال الاولي بغرزه
منزلقه وترجعي تشتغلي غرزه كمان وتعديها من خلال الغرزه اللي علي الابره
وهكذا


وده فيديو للطريقه دي

http://www.knittinghelp.com/apps/fla...ayer/play/27/1
وفيه كذا طريقه بس مش عايزه الخبطكوا

الغرزه المرنه





الغرزه المرنه وهي بتكون عدل علي طول او مقلوب علي طول
وخدي بالك وتخيلي انك حاطه الوجه الامامي قدامك واشتغلتي سطر عدل ماشي
خلصتي السطر العدل وقلبتي الشغل علشان تشتغلي السطر رقم 2 اللي بيكون علي ضهر الشغل صح
لو بصيتي للسطر اللي اشتغلتيه عدل علي الوجه الامامي حاتلاقيه شكله علي الوجه الخلفي مقلوب صح
وابتديتي شغل السطر رقم 2علي الوجه الخلفي عدل ولما تقلبي الشغل بعد
ماتخلصي السطر رقم 2 وابتديتي السطر رقم 3علي وجه الشغل وبصيتي للسطر رقم
2من وجه الشغل حاتلاقي شكله مقلوب علي وجه الشغل (وانتي اشتغلتيه عدل علي
ضهر الشغل) وهكذا لو كملتي تشتغلي عدل علي الوجهين حاتلاقي شكل القطعه من
الناحيتين واحد وشكله مقلم سطر عدل وسطر مقلوب (خدي بالك شكله مش نظام
شغله)فهمتيني
لو بقي اشتغلتي كله مقلوب السطور كلها حايديكي نفس الشكل مع فرق في السطور
يعني السطر 1 حايكون مقلوب علي وجه الشغل وعدل علي ضهر الشغل يعني عكس الشغل بالعدل علي طول بس نفس الشكل

لقط الغرز
بتخلي الجنب الملفوف قدامك وتلقطي الغرز علي طول الحرف وتعملي سطرين او 3سطور بالغرزه المرنه












البليسيه اواللاستيك او التضليع
البليسيه هو شغل الحافه السفلي للعمل
بغرزه تعطي شكل جميل وفي نفس الوقت تشد الحافه السفلي علي الجسم لانه يكون
زي الاستك او اللاستيك
ويعمل ايضا علي حافه الكم وللرقبه
ومنه انواع كثيره واهم نوعين هم
البليسيه المفرد
اوفيه بتشتغلي غرزه عدل وغرزه مقلوب وفي ضهر الشغل بتشتغلي الغرز كما تظهر لك
وطبعا مش محتاجين اقول ان العدل علي الوجه بتبان مقلوب علي الضهر والعكس صحيح
البليسيه المزدوج
بتعمليه غرزتين عدل وغرزتين مقلوب علي عدد زوجي من الغرز
والضهر برضه بتشتغلي الغرز كما تظهر لك
وده شكلهم

وفيه طريقه او خدعه حلوه انا باعملها هههه
افرضي انك انهيتي السطر بغرزه عدل
ابدئي السطر التالي بغرزه مقلوب
وبالنسبه للبليسيه المزدوج برضه نفس الشيء
يعني افرضي ان السطر انتهي معاكي بغرزتين عدل ابدئي السطر التالي بغرزتين مقلوب
جربوهم كده واشوف التطبيقات يااحلي بنات

اسم البليسيه في الباترونات Ribbing

هذا تطبيق لغرزة البليسيه المفردة والمزدوجة




التقفيل بالباترونBinding off "In Pattern"
وفيها بتقفلي الغرزه العدل عدل وتلفي الخيط للامام وتقفلي الغرزه المقلوب مقلوب والفيديو حايوضح الطريقه دي
وهي بتدي مرونه للرقبه وشكل طبيعي
http://www.knittinghelp.com/apps/fla...ayer/play/26/1














فيه طريقه تانيه باستخدام ابره الخياطه واسمها في الباترونKnit-One Purl-One Bind-Off
ولها طريقتين وانا باحطها علشان تكونوا علي درايه بكل شيء في التريكو ولو قابلتكم الطريقه دي تكونوا عارفينها
http://www.knittinghelp.com/apps/fla...ayer/play/24/1

http://www.knittinghelp.com/apps/fla...ayer/play/32/1

وفيه طريقه اخري للتقفيل بتدي حافه مكشكشه يعني لو كنتي بتشتغلي شغل عدد غرزه كبير وذكر في الباترون انك تقللي عدد الغرز
طريقه التقفيل بثلاث غرزOne-Over-Two Bind-Off
وفي الطريقه دي بتشتغلي 3غرز وتعدي الغرزه الاولي فوق الغرزتين الثاانيه والثالثه كده حايكون عندك غرزتين
اشتعلي غرزه كمان وعدي اول غرزه موجوده علي الابره فوق الغرزتين الاخيرتين وهكذا والفيديو حايوضح
http://www.knittinghelp.com/apps/fla...ayer/play/18/1

فيه طريقه كمان ودي بتستخدم لما تكوني بتوصلي قطعتي تريكو ببعضهم
وفيها بتحطي القطعتين وجها لوجه وكل قطعه علي ابره وتقفلي بابره ثالثه والطريقه دي اسمهاالتقفيل بثلاث ابر
Three Needle Bind-Off

http://www.knittinghelp.com/apps/fla...ayer/play/20/1

يابنات ده فيديو للبليسيهRibbing
http://www.knittinghelp.com/apps/fla...yer/play/142/1

وده فيديو للغرزه المرنه Garter Stitch
http://www.knittinghelp.com/apps/fla...yer/play/137/1

وده فيديو لغرزه الجرسيهStockinette Stitch

http://www.knittinghelp.com/apps/fla...yer/play/136/1

البليسيه المجوز


تلاقي البلوزات الجاهزه عاملين البليسيه طبقتين
هو سهل وحبيت اقول طريقته للعلم والاستفاده
بتبدئي اي عدد من الغرز بس لو بتكوني عامله حسابك علي عدد معين50 غرزه مثلا بتعملي الضعف يعني 100 غرزه
بتعملي غرزه حرف ودي حااقول عليها منفصله وبعدين تعملي غرزه عدل عادي
وتجيبي الخيط للامام زي ماتكوني حاتشتغلي مقلوب وتسلتي الغرزه مقلوب من
غير شغل وبعدين ترجعي الخيط للخلف وتشتغلي الغرزه العدل وهكذا
الخلاصه انك بتشتغلي العدل وتسلتي المقلوب من غير شغل وتختمي الشغل بغرزه حرف
السطر الثاني زي طريقه شغل السطر الاول مع مراعاه طريقه شغل البليسيه
غرزه الحرفedge st
ودي طريقتها البسيطه انك بتعملي اول غرزه واخر غرزه في كل السطور عدل وبتعملي حسابها في غرز البدايه
يعني لو الباترون علي 100 غرزه مثلا بتعملي حسابك انك بتزودي غرزتين وعموما في الباترونات الجاهزه بيكون عامل حساب غرزتي الحرف
انا باعملها بطريقه معينه ومش شرط انك تعمليها
شوفي وركزي معايا
افرضي ان السطر كله عدل
لما تبدئي السطر هاتي الخيط للامام كانك حاتشتغلي مقلوب
واسلتي الغرزه الاولي مقلوب بدون شغل وبعدين رجعي الخيط للخلف واشتغلي
السطر عادي للاخر
لو بالعكس السطر مقلوب بتسلتي الغرزه الاولي كانك
بتشتغليها عدل والخيط للخلف وبعدين تجيبي الخيط للامام وتشتغلي السطر
مقلوب عادي وبدايه السطر التالي كرري برضه


knitting=التريكو

knit=k= غرزة عدل

purl=p=غرزة مقلوبة

cast on= co = بداية الغرز على الابرة

beginning= beg= ابدائى

stitch=st= غرزة

البلسية المجوز شكله روعة وسميك

ودا فيديو يوضح طريقة الغرزة

الغرزة دي اسمها بالانجليزي Brioche Stitch


الرابط

http://www.megaupload.com/?d=KY4Z8ZSS

ودا رابط لفيديو تاني كمان لاقيته عن طريق الصدفة

ودا الرابط

http://www.megaupload.com/?d=A1B729N9

شوفي يااميره ده لقط التريكو بالرسوم المتحركه














شرح بالتفصيل بس هي بتلقط علي الجانب وبعدين بتلقط من فوق انتي شوفي الجزء
اللي بتلقط فيه من الجنب ولو تابعتي شرحها حاتفهمي اكتر لانها بتشرح
بالتفصيل

http://www.knittinghelp.com/apps/fla...yer/play/166/1

طريقة من طرق غرزة الحرف على الرابط دا

http://www.megaupload.com/?d=6Z8Q5AE4
للي مافتح عندهم الوصلة لغرزة الحافة اليكم الرابط مرة ثانيه


http://www.megaupload.com/?d=6Z8Q5AE4

فيه غرزه عدل ملويه وغرزه مقلوب ملويه يعني ايه؟؟
يعني غرزه عدل بتتاخد من الخيط الخلفي للغرزه
الغرزه العدل الخلفيه
واسمها في الباترون(knit into the back of a stitch (KB1
والطريقه دي احيانا بتستخدم لعمل شكل جميل للغرزه العدل وبتكون ملويه شويه
وبتعمليها بانك بتدخلي الابره اليمني في الخيط الخلفي للغرزه علي الابره اليمني بدلا من ادخالها في الخيط الامامي زي الصوره



وبعدين تلفي الخيط علي الابره عادي زي الغرزه العدل العاديه
وممكن في بعض المواقع تلاقي اسمها Combined Knitting يعني الطريقه المركبه لشغل الغزه العدل
وده فيديو للطريقه دي
http://www.knittinghelp.com/apps/fla...yer/play/124/1
الغرزه المقلوب الخلفيه
(To purl into the back of a stitch (PB1)
وبرضه بتعمليها بانك بتدخلي الابره اليمني في الخيط الخلفي للغرزه علي الابره اليسري بس بتدخليها علي اساس بتعملي الغرزه مقلوب كده

العدلة


الجرسيه



المزدوجة





الحرف

مصطلحات الباترونات الاجنبية



knitting=التريكو

knit=k= غرزة عدل

purl=p=غرزة مقلوبة

cast on= co = بداية الغرز على الابرة

beginning= beg= ابدائى

stitch=st= غرزة

chain=ch= اول غرزة

stockinette stitch= stst= غرزة الجرسية ( سطر عدل - سطر مقلوب )

Ribbon = Ribbed = Rib= غرزة البليسية او التضليع

loop = lp= عروة

increase= inc= زيادة غرزة

slip = sl = تنقيص

slip stitch = sl st= تنقيص غرزة

pass slip stitch over knit stitch= psso= تنقيص غرزة عدل

pass slip stitch over purl stitch= pssop= تنقيص غرزة مقلوب

decrease= dec= غرزتين عدل معا

together= tog= معا

Repeat= rep = كررى

remaining= rem= داومى - استمرى

pattern= pat = باترون

main color= mc = اللون الاساسى

contrasting color= cc = تناغم او تناسق الالوان

Knot = عقدة

Tighten = زمى او شدى

neat= نظيف او مرتب

Armhole shaping = حردة الابط

sleeves = الاكمام

sleeve cap shaping = حردة الكم

shap shoulders = حردة الكتف

shap back neck = حردة الرقبة الخلفية

through = من الاول الى الاخر

sid = جانب

heel = كعب

turn = ارجعى

pick = القطى

غرزة البليسيه على الرابط للى ما بيشوفوا الميجابلود

https://www.youtube.com/v/fEiKRKSJ4pk&hl=en&fs=1



لن تظهر اى مقاطع اخرى لليوتيوب
هذا رابطه

http://www.lakii.com/vb/showthread.p...eadid=542374&s=

تطبيق علي الغرز العدل والمقلوب
اول غرزه
غرزه حب الارز وفيه بلاد بتسميها غرزه العدسه
اسمها في الباترون seed stitch
وبتشتغليها زي البليسيه العادي غرزه عدل وغرزه مقلوب في السطر الاول
السطر الثاني اعكسي الغرز وفوق العدل اشتغلي مقلوب وفوق المقلوب اشتغلي عدل
والغاليه ام عزيزان كانت نزلتها هديه في دوره من الدورات وبتعرفي من الشرح ازاي تشتغليها في سطر زوجي وفي سطر فردي
بس انا لي خدعه صغنونه
ان الغرزه اللي بينتهي بيها السطر بابدا بيها السطر التالي وجربوا وردوا علي






وده فيديو للغرزه دي
http://www.knittinghelp.com/apps/fla...yer/play/144/1

فكرة حلوة وسهلة بالتريكو
لبسى المج سترة من شغل ايدك
لتظل قهوتك ساخنة











البترون

الغرزة المستعمل هى غرزة البليسية المزدوج
يعنى 2 عدل-2 مقلوب 2 عدل-وهكذا
ثم فوق ال2 عدل اشتغلى 2عدل وفوق المقلوب 2 مقلوب

ودية طريقة الغرزة
لحظى الصور
طبعا احنا حنعمل الفة كل اربع اسطر

















اتمنى تنال اعجابكم